Some Love Stories Die Soon

www.sana-ilyas.net.ms
 
HomeFAQSearchRegisterLog in

 

Ahmed Faraz Ghazal

View previous topic View next topic Go down 
Author Message
Ubedullah Memon
Senior Member
Senior Member
avatar

Number of posts : 47
Registration date : 2009-03-16
Age : 27
Location : Madina, Saudi Arabia

PostSubject: Ahmed Faraz Ghazal   Mon Mar 16, 2009 7:14 am

GHAZAL

Jis samt bhi dekhoon nazar aata hai k tum ho !
Aai jaan-e-jahaa(n) ! ye koi tum sa hai k tum ho !

Ye khwaab hai, khushbu hai k jhaunka hai k pal hai
Ye dhund hai, baadal hai k saaya hai k tum ho !

Is deed ki saa'at mein kaee rang hain larzaa(n)
Main hoon k koi aur hai, duniya hai k tum ho !

Dekho ye kisi aur ki aankhein hain k meri !
Dekhoon ye kisi aur ka chehra hai k tum ho !

Ye umr-e-gurezaa(n) kahin tthehre to ye jaanoon
Har saans mein mujh ko yehi lagta hai k tum ho !

Har bazm mein mauzu-e-sukhan, dil-zadgaa(n) ka
Ab kaun hai, Sheereen hai k Laila hai k tum ho !

Ik dard ka phaila hua sehra hai k main hoon !
Ik mauj mein aaya hua darya hai k tum ho !

Wo waqt na aaye k dil-e-zaar bhi soche
Is shehr mein tanha koi ham sa hai k tum ho !

Aabaad ham aashufta-saron se nahi maqtal
Ye rasm bhi is shehr mein zinda hai k tum ho

Aai jaan-e-Faraaz ! itni bhi taufeeq kise thi
Ham ko gham-e-hasti bhi gavaara hai k tum ho !
Back to top Go down

Ahmed Faraz Ghazal

View previous topic View next topic Back to top 
Page 1 of 1

Permissions in this forum: You cannot reply to topics in this forum
Some Love Stories Die Soon :: Ahmad Faraaz -
Create a forum | © phpBB | Free forum support | Contact | Report an abuse | Free forum