Some Love Stories Die Soon

www.sana-ilyas.net.ms
 
HomeFAQSearchRegisterLog in

 

Muhabbat By Amjad Islam Amjad

View previous topic View next topic Go down 
Author Message
Admin
Admin
avatar

Number of posts : 169
Registration date : 2009-03-14
Age : 31
Location : Lahore

PostSubject: Muhabbat By Amjad Islam Amjad   Wed Mar 18, 2009 8:40 am

Mohabbat Oos Ki Surat
Piyasi Pankhardi Kay HoontooN Kow Sayrab Karti Hay
GulooN Ki AstenooN MeiN, Na’ay Rang Bharti Hay
Sehar Kay Jhatpatay MeiN,
Gungunati, Muskurati, Jagmagati Hay.
Mohabbat Kay DinooN MeiN Dasht Bhi Mehsoos Hota Hay
Kisi Firdous Ki Surat,
Mohabbat Oos Ki Surat!

Mohabbat Abr Ki Surat
DilooN Ki Sar-ZameeN Par, Ghar Kay Aati Hay Barasti Hay
Chaman Ka Zarra Zarra Jhomta Hay Muskurata Hay
Azal Ki Bay-Namoo Mitti MeiN Sabza Sar Uthata Hay.
Mohabbat Un Kow Bhi Aabad Aur Shadab Karti Hay,
Jo Dil HeiN Qabr Ki Surat
Mohabbat Abr Ki Surat!

Mohabbat Aag Ki Surat
Bijhay SeenooN MeiN Jalti Hay, Tow Dil Bay-Dar Hotay HeiN
Mohabbat Ki Tapish MeiN, Kuch Ujab Asrar Hotay HeiN
Kay Jitna Yey Bhardakti Hay,
Uros-e-JaaN Mehakti Hay.
DilooN Kay Sahil’ooN Par Jama Hoti Bikharti Hay,
Mohabbat Jhaag Ki Surat
Mohabbat Aag Ki Surat!

Mohabbat Khuwab Ki Surat
NigahooN MeiN Utarti Hay, Kisi Mehtab Ki Surat
Sitaray Aarzoo Kay Es Tarah Say Jagmagatay HeiN
Kay Peh-chani NahiN Jati Dil-e-Beetab Ki Surat.
Mohabbat Kay Shajar Par Khuwab Kay Panchi Utartay HeiN
Tow ShakhaiN Jaag Uthti HeiN.
Thakay-Haray Sitaray Jab ZameeN Say Baat Kartay HeiN
Tow Kab Ki Muntazir AankhooN MeiN Sham’aiN Jaag Uthti HeiN.
Mohabbat Un MeiN Jalti Hay Chiragh-e-Aab Ki Surat
Mohabbat Khuwab Ki Surat!

Mohabbat Dard Ki Surat
Guzishta MausamooN Ka Ista’aara Ban Kay Rehti Hay
Shab’aan-e-Hijr MeiN Rooshan Sitara Ban Kay Rehti Hay
MundeerooN Par ChiraghooN Ki Loo’aiN Jab Thar-tharati HeiN
Nagar MeiN Na-Umeedi Ki Hava’aiN San-Sanati HeiN.
Gali MeiN Jab Koi Aa’hat, Koi Saya NahiN Rehta
Dukhay Dil Kay Liyay Jab Koi Bhi Dhooka NahiN Rehta.
GhamooN Kay Bojh Say Jab Tootnay Lagtay HeiN Shanay Tow,
Yey Un Par hath Rakhti Hay,
Kisi Hamdard Ki Surat.
Guzar Jatay HeiN Saray Qaflay Jab Dil Ki Basti Say
Fiza MeiN Tair-ti Hay Dayr Taak Yey Gard Ki Surat
Mohabbat Dard Ki Surat!

Amjad Islam Amjad!
Back to top Go down
http://www.sana-ilyas.net.ms

Muhabbat By Amjad Islam Amjad

View previous topic View next topic Back to top 
Page 1 of 1

Permissions in this forum: You cannot reply to topics in this forum
Some Love Stories Die Soon :: Amjad Islam Amjad -
Create a forum on Forumotion | © phpBB | Free forum support | Contact | Report an abuse | Forumotion.com