Admin
Admin
Number of posts : 169
Registration date : 2009-03-14
Age : 36
Location : Lahore
|
Subject: Sar-e-Taq-e-JaaN Na Chiragh Hai Wed Mar 18, 2009 8:45 am |
|
|
Sar-e-Taq-e-JaaN Na Chiragh Hai, Pas-e-Bam-o-Shab Na Sahar Koi, Ujab Ek Arsa-e-Daraz Hai, Na GumaN Hay Na Khabar Koi.
NahiN Aab To Koi Malal Bhi, Kisi Wapsi Ka Khiyal Bhi, Gham-e-Baikasi Nay Mita Diya, Meray Dil MaiN Tha Bhi Aagar Koi.
Tujhay Kia Khabar Ke Raat Bhar, Tujhay Daikh Paanay Ko Ek Nazar, Raha Sath Chand Kay Muntazar, Teri KhirdkiyooN Ke Udhar Koi.
Sar-e-Shakh-e-JaaN Teray Naam Ka, Ujab Ek Taza Gulab Tha, Jisay Aandhi'ooN Se Khatar Na Tha, Jisay Tha KhizaN Ka Na Daar Koi.
Teri BaiRukhi Kay Diyar MeiN, Ghani Tayrgi Kay Hisar MeiN, Jalay Kis Tarah Se Chiragh-e-JaaN, Karay Kis Taraf Ko Safar Koi.
Katay Waqt Chahay Aazab MeiN, Kisi Khuwaab MeiN, Ya Sarab MeiN, Jo Nazar Say Door Nikal Giya, Usay Yaad Karta Hay Har Koi.
Sar-e-Bazm Jitnay Chiragh Thay, Woh Tamam Ramz Shanas Thay, Teri Chashm-e-Khush Ke Lihaz Se, NahiN Boolta Tha Magar Koi.
Amjad Islam Amjad
|
|